力哥講股 票市場-專注港股及實踐價值投資

557 一間酒店管理及專業採購公司， 早前控股股東 城市發展有限公司及 Ｈｏｎｇ　Ｌｅｏｎｇ　Ｈｏｌｄｉｎｇ　 Ｌｉｍｉｔｅｄ 通知，其 正於第三方接觸， 初步探索出售其於集團權益的可能性， 目前未達任何協議。 股價由1蚊炒上2蚊，這幾日不知可事跌回$1.65，機會來了！ 557是間資產質素相當好的公司，現價入貨進可攻退可守。

再沒有港產銀行了？ 小弟十年八載前以為港產電影會沒落，再睇唔到港片。 估唔到 近期港片反彈之時港產銀行卻先行一步。 永隆、創興都已回歸強國，下一間又邊個行先一步呢？ 今日睇就一定係302永亨銀行啦，由幾個offer變成華僑銀行獨家， 而據說bid價係book x1.9可是搞到今日都未掂，同 創興同時間接受問價， 人家創興都結婚生仔佢都未掂，唔知會不會學上次又傾唔成，現價不值搏， 跌10%可以追入。(記住第一二三格言） 另外440 大新反而可買，現價極平，下跌空間有限（除非風暴再來）； 如果有人問下Book $60. X 1.5都成$90皮。 若冇人問2013業務應受保險帶動而有可觀增長， 3厘多息加被收concept反彈上50皮都廿幾%，分分鐘龍船快過馬。

市場對管理層的失望 、 廖創興企業 194 首先是創銀 1111 單刁部分要約交易 （75%），194從20蚊一直插落14蚊； 再來只得$2.8元特別息。市場反應失望今日跌7.6%是意料之中。 小弟好運在低位兩只股都買到，今日亦已沽清獲利。這一年來我小心假設管理層的想法，可是最後原來有錢人的集性都係一樣、 要-賺到盡。 不過遊戲只係暫停，如果194除淨後跌落到七至八蚊😜再加回購或曾持等動作；又可以同班伯伯玩吓啦。